Programes singulares
La Llei 5/2022 del Principáu d’Asturies promueve una política deportiva inclusiva y accesible pa tola población. Fomenta la participación na actividá física en toles etapes de la vida, con atención a la diversidá, la igualdá y la integración.
El Principáu d’Asturies na so llei nueva 5/2022, de 29 de xunu, d’Actividá Física y Deporte, indica nel Preámbulu nel so artículu 2: “Ha fomentase l’actividá física y deportiva nel conxuntu de la sociedá asturiana, adoptando una política físico-deportiva global que promulgue los valores sociales, educativos, formativos, de salú, cívicos, solidarios, de cohesión y integración, de desenvolvimientu económicu, turísticu y medioambiental a toles capes de la población”
Y nel so artículu 3: “Estes consideraciones suponen una política d’actividá física y deportiva que, apoderada pola esmolición de dar diversidá de posibilidaes a un máximu de persones, fixe como oxetivu estimular la participación nes actividaes físiques y deportives en toles etapes de la vida, integrando la perspectiva de xéneru, l’atención a les persones con discapacidá, a deportistes d’altu nivel y altu rindimientu, fomentando’l deporte escolar, el deporte universitariu y les práctiques físiques y deportives na edá adulta.”
Por eso, desenvuélvense unos planes o programes deportivos que busquen llegar a la mayoría de la población y éstos podemos estremalos dende edaes tempranes hasta deporte pa persones adultes, ensin importar les sos capacidaes nos proyectos que se definen de siguío.
