Centru de deportes El Campo’l Morgal (Llanera)

El Centru de deportes El Campo’l Morgal asítiase en Llanera, nel corazón del Principáu d’Asturies.

La instalación de deportes El Campo’l Morgal cunta con 3 boleres (bolera de cuatriada, bolera de bolu palma y bolera celta), 4 piscines de branu, vasu de chaplotéu (octogonal de 4 m de llau), vasu d’enseñanza de 12,5 x 7 m, vasu recreativu (octogonal de 10 m de llau) y vasu de competición (de 25 x 12,5 m), 5 pistes de tenis, 2 pistes de pádel, 3 pistes polideportives de 44 x 30 m, 2 campos de fútbol de 105 x 68 m, 3 campos de fútbol-7, campu de rugbi, campu de béisbol, campu de sófbol, campu de golf de 9 furacos, campu de tiru con arcu, circuitos de carrera (circuitu curtiu de 1.800 m y circuitu llargu de 4.585 m), percorríos de senderismu y bicicleta de monte, parque infantil, velódromu (333,33 m de llargu y 6 d’anchu), pista de rodadura interior de 3 m d’anchu, peraltes en rectes de 8 graos y nes curves de 32 graos, y edificiu de vestuarios.

Destaca nes instalaciones de deportes El Campo’l Morgal el so aeródromu, integráu por una pista de rodadura, pista d’aterrizaxe (890 m), sala de pilotos y almacén-taller. Ye nel hangar onde en 1929 aterrizó la primera muyer, María Bernaldo de Quirós, que tuvo n’España’l títulu de pilotu d’aviación. Esti tipu d’acciones ponen en valor el compromisu de la nuestra rexón por impulsar la perspectiva de xéneru, comenzando un cambéu de sociedá hacia’l reconocimientu de los derechos de les muyeres.