Mesa del deporte practicáu por muyeres

La Conseyería de Cultura, Política Llingüística y Deporte del Principáu d’Asturies creó apocayá la Mesa del Deporte practicáu por Muyeres pa fomentar la igualdá nesta clas d’actividaes.

Participen nella los clubes representativos del deporte femenín asturianu —tanto d’equipu como de deporte individual—, deportistes, entrenadores, xueces y árbitres y nella abórdense los pasos pa siguir por un órganu que nagua por ser una ferramienta efectiva pa ellaborar un plan d’acción con midíes que sofiten y fomenten el deporte femenín.

Una mesa de debate dedicada a los deportes practicaos por muyeres ye crucial por delles razones y ofrez la posibilidá d’abordar delles árees clave p’ameyorar.