Programa xugamos pola igualdá
La marca Xugamos pola igualdá. Non al machismu ye un programa impulsáu dende la Dirección Xeneral d’Actividá Física y Deporte pa promocionar, divulgar y fomentar la práctica deportiva en neñes, moces y muyeres. Amás de proponer y organizar delles acciones a lo llargo del añu ente les que s’alcuentren el proyectu «muyer y deporte mayor de 35» con actividaes pa que les muyeres mayores de 35 años conozan deportes y equipos nos que poder participar, les formaciones pal personal deportivo en materia d’igualdá y la creación d’un protocolu d’actuación pa la prevención del acosu sexual; anualmente convóquense los premios «Xugamos pola igualdá», que quieren reconocer les trayectories, proyectos o programes qu’ayuden a aumentar la visibilidá de la práctica y la competición de les muyeres, qu’aumenten o ameyoren la conciliación profesional y familiar y que reconozan el llabor de les muyeres na nuestra comunidá.
