Foros

El deporte presente en cada requexu del Principáu.

Foros abiertos al públicu xeneral, con meses redondes que traten asuntos de muncha relevancia que se reparten per tola xeografía asturiana, acompañaes d’actividaes deportives vinculaes a la temática de caún d’ellos.

Foru Deporte Adaptáu I

Fecha: 2 d’agostu del 2025

Temática

Oportunidá pa que persones con discapacidá física del territoriu asturianu s’averen a l’actividá, conozan les oportunidaes que tienen de práctica deportiva y pueda ser un puntu de motivación pa empezar nel deporte adaptáu.

La idea de desenvolvimientu d’un multideporte adaptáu na mañana anterior a la organización del Sella Adaptáu tien como oxetivu averar delles modalidaes practicaes por persones con discapacidá física a la población en xeneral, de manera que seya quien comparta talleres y esperiencies colos nuestros deportistes y técnicos. El Sella Adaptáu faise’l domingu anterior al Descensu Internacional, coincidendo anguaño’l domingu 3 d’agostu.

Actividá deportiva rellacionada col deporte inclusivu.

  • Plaza de Venancio Pando en Les Arriondes, conceyu de Parres.
Plan de Trabajo ADN (Foros)

Foru beneficios del deporte na naturaleza

Fecha: 14 d’agostu del 2025

Temática

Beneficios de realizar deporte na naturaleza na vida cotidiana

  • Concenciar sobre los beneficios físicos y mentales del deporte al aire llibre: informar a los participantes sobre cómo l’actividá física en entornos naturales ameyora la salú cardiovascular, amenorga’l estrés, ameyora l’estáu d’ánimu y potencia la concentración.

  • Fomentar el vezu de practicar deporte n’espacios naturales como parte del estilu de vida: promover la incorporación regular d’actividaes al aire llibre (senderismu, ciclismu, correr, etc.) na rutina diaria como una forma accesible y sostenible de curiar la salú.

  • Esplorar el vínculu ente naturaleza y bienestar emocional: xenerar un espaciu de diálogu sobre cómo’l contactu cola naturaleza mentes se fai l’exerciciu favorez l’equilibriu emocional, l’autoestima y la conexón con ún mesmu.

  • Intercambiar esperiencies y bones práctiques ente espertos y asistentes: facilitar l’intercambéu d’esperiencies personales, conocencies técniques y conseyos ente profesionales del deporte, la salú, el mediu ambiente y la comunidá.

  • Promover el respetu y el caltenimientu de la contornada natural mentes ye la práctica deportiva: educar sobre la importancia d’una práctica deportiva responsable que curie los ecosistemes naturales y fomente actitúes sostenibles ente los participantes.

Mesa redonda y exhibición de bolera cuatriada y xuegos tradicionales asturianos.

  • Feria Internacional de Muestres d’Asturies – Xixón
Plan de Trabajo ADN (Foros)

Foru Deporte y Desenvolvimientu Rural

Fecha: 28 d’agostu del 2025

Temática

L’actividá física y el deporte como activu del mediu rural.

  • Promover l’actividá física y el deporte como ferramientes pal desenvolvimientu sostenible y la meyora de la calidá de vida nel mediu rural asturianu.

  • Visibilizar y compartir esperiencies exitoses de proyectos, actividaes y iniciatives deportives que yá se tán llevando a cabu na zona occidental d’Asturies.

  • Fomentar el diálogu y la collaboración ente conceyos, entamadores, clubes deportivos y l’Alministración rexonal pa impulsar oportunidaes nueves nel ámbitu del deporte rural.

  • Destacar el potencial del occidente asturianu como destín pa esperiencies deportives y de naturaleza, aprovechando los sos recursos per tierra y agua.

  • Xenerar un espaciu d’alcuentru y deprendimientu pa la comunidá local y los profesionales del sector, impulsando la participación activa.

Dos meses redondes y actividá deportiva que va consistir en senderismu per una ruta guiada nel conceyu de Pezós.

  • Casa de Cultura de Santalla

Foru Deporte y Naturaleza como motor del Oriente

Fecha: 18 de setiembre del 2025

Temática

Centráu na puxanza y la relevancia que garraron les actividaes deportives al aire llibre nesta zona d’Asturies y lo qu’impliquen como reclamu turísticu y dinamizador económicu.

  • Potenciar el deporte y la naturaleza como exes de desenvolvimientu sostenible: afondar en cómo l’actividá física y l’aprovechamientu de los recursos naturales del Oriente d’Asturies non solo ameyoren la calidá de vida de los sos habitantes, sinón que tamién impulsen una medría económica respetuosa col mediu ambiente y socialmente xusta pa la rexón.

  • Visibilizar la escelencia del deporte activu nel Oriente d’Asturies: mostrar y celebrar los proyectos, iniciatives y esperiencies exitoses que yá se tán desenvolviendo na zona. L’oxetivu ye inspirar y valir como exemplu de bones práctiques, reconociendo’l deporte activu como un motor económicu y turísticu yá establecíu.

  • Fomentar la collaboración estratéxica pa oportunidaes nueves: crear un espaciu dinámicu qu’impulse’l diálogu y la collaboración efectiva ente Conceyos, entamadores, clubes deportivos y l’Alministración rexonal. Esto va dexar identificar y desenvolver oportunidaes nueves de negociu, emplegu y promoción nel ámbitu del deporte y la naturaleza.

  • Afianzar l’Oriente d’Asturies como destín de turismu activu de referencia: resaltar y reforciar l’encantu únicu de la rexón como un destín privilexáu pa esperiencies deportives y de naturaleza, aprovechando al máximu los sos recursos tanto terrestres como acuáticos p’atrayer a un público amplio y diverso.

  • Xenerar un espaciu d’alcuentru y intercambéu de conocencia: apurrir una plataforma pa que la comunidá local y los profesionales del sector se conecten, apriendan unos d’otros y compartan idees. L’oxetivu ye fomentar la participación activa y l’arriquecimientu mutuu, impulsando asina’l desenvolvimientu colectivu del sector nel Oriente d’Asturies.

Dos meses redondes y una actividá deportiva que va consistir en paddle surf na Ría de Niembru.

Mesa redonda 1 «Del cantábricu a los picos».

  • Casa de Cultura de Llanes

Foru avieyamientu activu - Selmana Europea del Deporte

Fecha: 23 de setiembre del 2025

Temática

Importancia de l’actividá física pa llevar una vida saludable n’edaes avanzaes.

  • Promover l’actividá física como pilar d’una vieyera saludable: destacar y concenciar sobre’l papel fundamental de l’actividá física como ferramienta esencial pa caltener la calidá de vida, l’autonomía y el bienestar físicu y mental de les persones mayores.

  • Visibilizar estratexes y recursos pal avieyamientu activu: enseñar exemplos concretos y programes existentes que faciliten la participación de les persones mayores n’actividaes físiques. L’oxetivu ye inspirar y ufiertar soluciones práctiques y accesibles pa un avieyamientu activu.

  • Fomentar una visión integral de la salú na vieyera: poner de manifiestu la interconexón ente l’actividá física y otros factores clave de salú, como la nutriciún y la salú dixestiva (microbiota). Búscase ufiertar una perspectiva holística que sorraye la importancia de dellos vezos pa un avieyamientu óptimu.

  • Xenerar un espaciu de diálogu y collaboración ente profesionales y la comunidá: facilitar l’intercambéu de conocencies y esperiencies ente espertos en salú, deporte, psicoloxía y nutrición, amás de cola comunidá local. L’oxetivu ye establecer sinerxes y redes de sofitu qu’impulsen iniciatives y programes pal avieyamientu activu.

  • Sensibilizar a la sociedá sobre’l valor del avieyamientu activu: dir acullá de los asistentes al foru, buscando treslladar el mensaxe de que llegar a la vieyera manteniéndose activu non solo beneficia al individuu, sinón que tamién arriquez a la sociedá entera, promoviendo una imaxe positiva y dinámica de la tercer edá.

Dos meses redondes y una actividá que va consistir en clases empobinaes a los mayores del conceyu de Valdés de xerontoximnasia.

  • Casa de Cultura de Valdés (L.luarca)
Plan de Trabajo ADN (Foros)

Foru Asturactiva

Fecha: 16 d’ochobre del 2025

Temática

Efectos del deporte na salú.

  • Validar l’exerciciu físicu como tratamientu médicu: afianzar la idea de que’l deporte y l’actividá física son ferramientes terapéutiques fundamentales nel manexu y prevención de delles patoloxíes. Búscase fortalecer la percepción del exerciciu como una «receta» médica tan importante como la farmacolóxica.

  •  

    Fomentar la collaboración interdisciplinar na prescripción d’exerciciu: crear un espaciu de diálogu y sinerxes ente profesionales de la salú y del exerciciu físicu. L’oxetivu ye establecer un marcu de trabayu collaborativu pa una prescripción d’exerciciu segura, efectiva y individualizada.

  •  

    Promover la implementación y espansión de programes de receta deportiva: presentar los resultaos y analizar l’impactu del programa de la Receta Deportiva n’Asturies. Búscase impulsar el so afianzamientu, difusión y posible espansión, incentivando la so adopción por profesionales y ciudadanos.

  • Educar sobre los beneficios del exerciciu en patoloxíes específiques: ufiertar información basada n’evidencia sobre cómo l’exerciciu físicu intervién positivamente nel manexu de delles enfermedaes. L’oxetivu ye empoderar tanto a profesionales como a la ciudadanía con conocencia práctica.

  • Impulsar un cambéu de paradigma pa una salú más preventiva y activa: inspirar un modelu d’atención sanitaria onde la promoción de l’actividá física seya un pegollu central. Búscase sensibilizar sobre la importancia de la prevención y l’autocuriáu al traviés del exerciciu como estratexa clave p’ameyorar la salú pública y el bienestar xeneral.

Dos meses redondes y una actividá deportiva que va consistir nuna clas guiada d’entrenamientu funcional.

  • Centru d’Innovación y Desenvolvimientu Altu Nalón (CIDAN) – Llaviana
Plan de Trabajo ADN (Foros)

Foru Lliga vs Racismu

Fecha: vienres 28 de payares

Temática

Deportes ensin odiu

Dos meses redondes:

  • «El desafío llegal: frenando’l racismu y la violencia nel fútbol».

  • «Compromisu 360 contra l’odiu, la violencia y la discriminación nel fútbol».

  • eal Federación de Fútbol del Principáu d’Asturies, en Xixón.
Plan de Trabajo ADN (Foros)

Foru Deporte Adaptáu II

Fecha: 17 de payares del 2025

Temática

Deporte adaptáu

  • Visibilizar la diversidá y riqueza del deporte adaptáu: presentar un panorama ampliu y actualizáu de les modalidaes de deporte adaptáu que se practiquen n’Asturies, destacando la so organización, beneficios y la importancia de la so inclusión nel ámbitu deportivu xeneral.

  • Inspirar oportunidaes profesionales nel deporte adaptáu: enseñar a los estudiantes de Guía nel Mediu Natural y Tiempu Llibre y TSEAS el potencial del deporte adaptáu como un campu de desenvolvimientu profesional con demanda creciente, ufiertándo-yos ferramientes y perspectives pal so inxertamientu llaboral futuru.

  • Fomentar la sensibilización y la inclusión al traviés del deporte: promover una mayor comprensión y empatía pa coles persones con discapacidá, utilizando’l deporte adaptáu como vehículu pa valtar barreres, fomentar la participación activa y construyir una sociedá más inclusiva.

  • Conectar la formación académica cola realidá del deporte adaptáu: ufiertar a los estudiantes un averamientu prácticu y directu a les bones práctiques y esperiencies d’éxitu nel deporte adaptáu, facilitando’l contactu con entidaes, profesionales y deportistes que son referentes nesti ámbitu.

  • Reconocer el valor del esfuerciu y la superación personal: al traviés de les histories d’éxitu de deportistes paralímpicos, destacar los valores de perseverancia, resiliencia y el poder tresformador del deporte na vida de les persones, inspirando a la comunidá estudiantil y xeneral.

Dos meses redondes empobinaes a estudiantes pa que puedan averase al deporte adaptáu y seya pa ellos una posibilidá de salida nel so futuru profesional.

  • Casa de la Cultura de Castropol
Plan de Trabajo ADN (Foros)
Plan de Trabajo ADN (Foros)

Foru Xunta pol Deporte Tradicional

Fecha: 13 d’avientu del 2025

Temática

Deporte adaptáu

  • Potenciar y visibilizar la riqueza de los deportes tradicionales asturianos: dar a conocer a fondu les modalidaes de bolos (les cinco variantes) y otros deportes autóctonos del Principáu, destacando’l so valor cultural, social y deportivu pa caltener y promover esti patrimoniu.

  •  

    Diagnosticar y fortalecer la salú de la práctica de bolos: analizar l’estáu actual de la práctica de los bolos na Cornisa Cantábrica intercambiando esperiencies coles federaciones de Galicia y Cantabria, identificando desafíos y bones práctiques p’asegurar la so continuidá y medría.

  • Impulsar el futuru y la cantera de los deportes tradicionales: esplorar y discutir estratexes efectives pal desenvolvimientu de la base nos clubes, peñes y federaciones, garantizando’l relevu xeneracional y la vitalidá de los deportes tradicionales, sobre manera los bolos, n’Asturies.

  • Fomentar la collaboración y l’intercambéu de conocencia: crear un espaciu d’alcuentru ente la Xunta pol Deporte Tradicional, federaciones d’otres comunidaes, clubes, peñes y aficionaos, pa compartir esperiencies, conocencies y establecer sinerxes que beneficien la promoción y el desenvolvimientu d’estes disciplines.

  • Reconocer el deporte tradicional como elementu identitariu y dinamizador: sorrayar la importancia de los deportes tradicionales non solo como actividá física, sinón como parte esencial de la identidá asturiana, y como un elementu capaz a dinamizar el texíu social y cultural de la rexón.

Dos meses redondes y una actividá deportiva: bolos.

  • Auditoriu José Barrera - Pravia