Valgrande-Payares, 13 de xunu del 2025 – La estación de Valgrande-Payares presenta una edición nueva de «Veranu en Payares», una programación completa d’actividaes gratuites diseñaes pa fomentar el contactu cola naturaleza, la educación ambiental y el disfrute activu del entornu. Dirixíes a tolos públicos, estes propuestes al aire llibre compleméntense con actividaes culturales y lúdiques variaes que prometen facer d’esti branu una esperiencia inigualable nel monte asturianu.
Anguaño, «Veranu en Payares» garra una relevancia especial al celebrase nel marcu de la designación d’Asturies como Rexón Europea del Deporte 2025. Esta distinción, que s’encuadra dientro del programa ADN Asturies Deporte y Naturaleza, va tar presente en tola programación d’esta edición nueva de «Veranu en Payares», reafirmando’l compromisu col deporte y la vida al aire llibre.
Amás, «Veranu en Payares» arriquezse col primer Festival de Monte, que se va facer el 5 de xunetu. Esti eventu pioneru va combinar actividaes deportives con un mercáu tradicional, espectáculos infantiles y un conciertu que va fundir la música tradicional asturiana con soníos más actuales, creando una atmósfera festiva y única.
Les actividaes gratuites que s’ufierten son estes:
Alpinismu en Payares
Embárcate en rutes guiaes de 5 a 12 km con un desnivel d’hasta 500 m, esplorando la historia, cultura y naturaleza de paraxes como’l Parque Natural de Penubina-La Mesa. Acompañáu por un guía, vas disfrutar del entornu al to ritmu, ideal pa tolos públicos y ensin falta d’esperiencia previa.
Talleres medioambientales
Nos talleres de «Veranu en Payares», vas poder esperimentar, crear y aprender sobre la naturaleza al traviés de la observación, rastrexu y esperimentos. Vas descubrir dende cómo identificar resclavos d’animales hasta la importancia de curiar l’entornu y la riqueza natural de Valgrande-Payares. Nun se precisa esperiencia, namás ganes de saber y d’interactuar col mediu ambiente.
Ruta y clínic de bici de monte
Aprendi a remanar la to bicicleta de monte en rutes guiaes per Payares, pasándolo bien al tiempu qu’apriendes técniques básiques de conducción. Vas garrar enfotu y seguranza pa pedaliar en caminos de tierra, mentes disfrutes de los paisaxes. Trai la to propia bici y prepárate p’ameyorar les tos habilidaes.
Xeocaching y rastrexu en familia
Participa nun xuegu d’esploración familiar na naturaleza de Payares, buscando «ayalgues» escondíes con GPS y aprendiendo a rastrexar. Fomenta’l trabayu n’equipu, la orientación y la observación, descubriendo la fauna y los secretos del monte. Ideal pa families con neños/es a partir de 6 años, ensin esperiencia previa.
Observación d’estrelles
Valgrande-Payares, col so cielu escuru, ye la cuenta pa mirar les estrelles. Nestes salíes nocturnes, vas aprender a orientate pel firmamentu con telescopios y punteros láser, descubriendo constelaciones y mitoloxía celeste, sobre manera n’eventos astronómicos destacaos. Namás fai falta tener gana de mirar p’arriba.
Raid d’aventura
Pon a prueba la to orientación y trabayu n’equipu nun raid d’aventura per Payares, onde vas buscar balices y superar desafíos d’habilidá, lóxica y estratexa. Vas aprender a usar mapes y brúxules pa movete de manera autónoma, combinando exerciciu físicu, lóxica y cooperación en un percorríu enllenu de sorpreses.
Yoga en familia
Practica yoga en familia nos cumales de Payares y descubre una esperiencia única pa conectar cola naturaleza y fortalecer el vuestru vínculu. Sesiones diseñaes pa toos, que vos van dexar relaxavos, recargar enerxía y disfrutar de los beneficios del yoga nun entornu incomparable.
Marcha nórdica
Iníciate na marcha nórdica na redolada incomparable de Payares, aprendiendo les técniques básiques pa dominar esti deporte beneficiosu y accesible. Descubri una forma activa y prestosa d’esplorar el monte, ameyorando la to condición física mentes disfrutes del aire puro y los paisaxes asturianos.
De siguío, detállase la programación de «Veranu en Payares», organizada por feches pa facilitar la participación:
Actividaes programaes
Xunu 2025
- Sábadu, 21 de xunu: Raid d’aventura
- Domingu, 22 de xunu: Alpinismu en Payares
- Sábadu, 28 de xunu: Xeocaching y rastrexu en familia
- Domingu, 29 de xunu: Talleres medioambientales
Xuneto 2025
- Sábadu, 5 de xunetu: Raid d’aventura
- Sábadu, 5 de xunetu: Primer Festival de Monte
Les actividaes deportives van dir de la mano d’un mercáu tradicional, muestra de folclore, espectáculu pa neños, y el conciertu de la banda de gaites Güestia acompañada de músicos y el grupu Mokomitas.
- Domingu, 6 de xunetu: Alpinismu en Payares
- Sábadu, 12 de xunetu: Talleres Medioambientales
- Sábadu, 12 de xunetu: Yoga en familia nos cumales
- Sábadu, 12 de xunetu: Marcha nórdica
- Domingu, 13 de xunetu: Ruta y clínic de bici de monte
- Sábadu, 19 de xunetu: Xeocaching y rastrexu en familia
- Domingu, 20 de xunetu: Observación d’estrelles
- Domingu, 27 de xunetu: Observación d’estrelles – Lluvia d’Acuárides
- Sábadu, 26 de xunetu: Talleres medioambientales
- Sábadu, 26 de xunetu: Yoga en familia nos cumales
Agostu 2025
- Sábadu, 2 d’agostu: Marcha nórdica y yoga en familia
- Domingu, 2 d’agostu: Alpinismu en Payares
- Domingu, 3 d’agostu: Ruta y clínic de bici de monte
- Sábadu, 9 d’agostu: Raid d’aventura
- Domingu, 10 d’agostu: Talleres medioambientales
- Domingu, 10 d’agostu: Yoga en familia nos cumales
- Domingu, 16 d’agostu: Alpinismu en Payares
- Domingu, 17 d’agostu: Observación d’estrelles – Lluvia de Perseides
- Sábadu, 23 d’agostu: Xeocaching y rastrexu en familia
- Domingu, 24 d’agostu: Esquí en yerba en Payares
- Sábadu, 30 d’agostu: Raid d’aventura
- Domingu, 30 d’agostu: Alpinismu en Payares
- Domingu, 31 d’agostu: Ruta y clínic de bici de monte
Setiembre 2025
- Domingu, 14 de setiembre: Alpinismu en Payares
- Sábadu, 6 de setiembre: Xeocaching y rastrexu en familia
- Sábadu, 6 de setiembre: Marcha mórdica
- Domingu, 7 de setiembre: Talleres medioambientales
- Domingu, 7 de setiembre: Campeonatu d’Asturies de Rolleresquí na estación de Valgrande-Payares
- Sábadu, 13 de setiembre: Talleres medioambientales
- Sábadu, 13 de setiembre: Marcha nórdica
