La estación de Valgrande-Payares presenta una edición nueva de «Veranu en Payares», una programación completa d’actividaes gratuites diseñaes pa fomentar el contactu cola naturaleza, la educación ambiental y el disfrute activu del entornu. Dirixíes a tolos públicos, estes propuestes al aire llibre compleméntense con delles actividaes culturales y lúdiques que prometen facer d’esti branu una esperiencia inigualable nel monte asturianu.
Anguaño, «Veranu en Payares» garra una relevancia especial al celebrase nel marcu de la designación d’Asturies como Rexón Europea del Deporte 2025. Esta distinción, que s’encuadra dientro del programa ADN Asturies Deporte y Naturaleza, va tar presente en tola programación d’esta edición nueva de «Veranu en Payares», reafirmando’l compromisu col deporte y la vida al aire llibre.
Amás, «Veranu en Payares» arriquezse col primer Festival de Monte, que se va facer el 5 de xunetu. Esti eventu pioneru va combinar actividaes deportives con un mercáu tradicional, espectáculos infantiles y un conciertu que va fusionar la música tradicional asturiana con soníos más actuales, creando una atmósfera festiva y única.
Marcha Nórdica
Taller d’iniciación al deporte y primeros pasos (participación abierta, con inscripción previa). A partir de 12 años, grupos de 15 persones máximu. Duración 2 hores. Empresa: Senderismo por Asturias; Manuel Ángel Blanco, Escuela de Marcha Nórdica Con2bastones; Sonia Menéndez Ramos.
