Asturies sigue avanzando hacia’l so gran añu como Rexón Europea del Deporte 2025 cola presentación oficial del programa ‘ADN Asturies, Deporte y Naturaleza’ y el foru ‘Beneficios del deporte na naturaleza’ na Feria Internacional de Muestres de Xixón (FIDMA).
L’eventu celebróse’l xueves 14 d’agostu, a les 12:30 h, nel Salón d’Actos del Pabellón del Gobiernu del Principáu. Cuntó cola participación de la conseyera de Cultura, Política Llingüística y Deporte, Vanessa Gutiérrez González, y de la directora xeneral d’Actividá Física y Deporte, Manuela Eleazar Fernández Ena.
Depués de la presentación, fíxose’l foru ‘Beneficios del deporte na naturaleza’, moderáu por David González (Cadena SER Gijón) y cola presencia de trés espertes destacaes: Irma Álvarez, psicóloga deportiva, directora del proyectu Plan y Mediu; Sonia Menéndez, fundadora de la Escuela de Marcha Nórdica Con2bastones; y Raquel G. Tarrazo, fisioterapeuta comunitaria especializada en tratamientu activu del dolor. Too esto cola mira de concienciar sobre la importancia del deporte al aire llibre pa la salú física, mental y social.
