Aula abierta
Formación pa profesionales, deportistes y dirixentes.
Formamos a los que faen del deporte’l so oficiu, la so pasión o la so responsabilidá. Les nuestres propuestes tán pensaes pa deportistes, entrenadores, profesionales del ámbitu físicu y dirixentes que busquen ameyorar el so desempeñu y lideratu.
Entrenamientu y preparación física
Fecha: 11 de setiembre de 2025
Charla: La importancia de la prevención de lesiones nel deporte base y d’altu rindimientu.
Oxetivu: El propósitu d’esta esposición ye analizar la importancia de la prevención de lesiones deportives en tolos niveles, dende’l deporte base hasta l’altu rindimientu. Va axuntar a preparadores físicos, fisioterapeutes, entrenadores y médicos deportivos pa intercambiar conocencies sobre la magnitú del problema, los factores de riesgu y les estratexes de prevención. Van presentase y debatise ferramientes eficaces, va promovese la implementación de programes basaos n’evidencia científica y práctica, y va fomentase la investigación y la formación continua. L’oxetivu final ye reducir les lesiones y promover una práctica deportiva más segura y saludable.
- Na Sala de Graos de la Facultá de Ciencies de la Universidá d’Uviéu.
Aspectos Llegales y de Xestión Deportiva
Fecha: 2 d’ochobre del 2025
Charla: Llexislación deportiva actual n’Asturies y a nivel nacional: derechos y obligaciones de clubes, deportistes y técnicos.
Oxetivu: La formación en llexislación deportiva, tanto n’Asturies como a nivel nacional, tien como oxetivu principal apurrir unes conocencies elementales y actualizaes del marcu llegal que regula’l deporte. Esto incluye les lleis, reglamentos y normatives qu’establecen los derechos y obligaciones de tolos actores del ámbitu deportivu: clubes, deportistes, técnicos, árbitros, etc.
- Sala de graos del Edificiu Científico-Tecnolóxicu del Campus de Mieres.
Psicoloxía y Desenvolvimientu Personal nel Deporte
Fecha: 9 d’ochobre del 2025
Charla: La importancia de la comunicación efectiva ente los entrenadores, clubes, deportistes y familiares.
Oxetivu: Esta esposición tien como oxetivu principal destacar el papel fundamental que xuega la comunicación nel éxitu deportivu y el bienestar de tolos implicaos. Céntrase n’analizar cómo una comunicación clara, abierta y respetuosa pue ameyorar el rindimientu, fortalecer les rellaciones y crear un ambiente positivu nel deporte.
- Salón d’Actos de la Casa de Cultura El Berrón - Siero.
Deporte y Discapacidá
Fecha: 4 de payares del 2025
Charla: Diseñu universal aplicáu al deporte: cómo crear instalaciones y programes deportivos accesibles pa toos.
Oxetivu: Con esta ponencia sobre diseñu universal aplicáu al deporte búscase promover la creación d’instalaciones y programes deportivos que seyan accesibles pa toles persones, independientemente de les sos capacidaes. Céntrase na importancia de diseñar espacios y actividaes deportives que puedan usase pol mayor númberu posible de persones, ensin falta d’adaptaciones o diseños especializaos.
- Casa de Cultura de Tapia
Prevención d’asediu y creación d’espacios seguros
Fecha: 24 de payares del 2025
Charla: La responsabilidá de los clubes, federaciones, entrenadores y monitores na creación d’entornos seguros y protectores pa los deportistes menores d’edá.
Oxetivu: L’oxetivu principal d’esta charla ye destacar y clarificar la responsabilidá que tienen los clubes deportivos, les federaciones, los entrenadores y los monitores na creación d’entornos seguros y protectores pa los deportistes menores d’edá. Céntrase na importancia d’establecer un marcu d’actuación que garantice’l bienestar físicu, psicolóxicu y emocional de los atletes mozos, previniendo y tratando situaciones de riesgu o vulneración de los sos derechos. Llexislación, prevención, responsabilidá…
- Casa la Cultura de Samartín del Rei Aurelio.
Muyer deportista (II Congresu Internacional Rexón Europea del Deporte 2025: Asturies y l’Impulsu al Deporte Femenín. 18 y 19 d’avientu)
Fecha: 18 d’avientu del 2025
Charla: El ciclu menstrual y el deporte
Oxetivu: La ponencia va centrase en cómo’l ciclu menstrual y la menopausia afecten la práctica deportiva en muyeres. Va destacase que’l ciclu menstrual pue influyir nel rindimientu físicu, con delles deportistes esperimentando meyor o peor rindimientu en diferentes fases, y que la menopausia pue causar cambeos que precisen adaptación de l’actividá física.
- Xixón, coincidente col Congresu.
