Centros d’altu nivel y altu rindimientu

Independientemente de la llinia de sofitu a federaciones pa los equipos d’altu nivel, el Principáu d’Asturies cunta con trés Centros de Tecnificación Deportiva nacional (CTD) nes disciplines de Piragüismu, Bádminton y Natación.

Estos CTD tienen como oxetivu principal sofitar y potenciar a los y les atletes en formación (categoría junior) y d’altu nivel (élite) pa que llogren el so máximu potencial competitivu, sobre manera en competencies internacionales como los Xuegos Olímpicos, Campeonatos Mundiales y otres competiciones d’altu prestixu.

Los oxetivos más relevantes de los programes que se desenvuelven nos CTD son: la optimización del rindimientu deportivu con un entrenamientu especializáu y la planificación y periodización del entrenamientu, el desenvolvimientu integral del atleta o de l’atleta dándo-yos sofitu médicu y nutricional y asistencia psicolóxica, la detección y desenvolvimientu de talentu y la contribución al éxitu deportivu nacional.