El proyectu
Asturies ye un destín únicu nel mundu que tien de too: naturaleza y paisaxe, patrimoniu cultural diversu, gastronomía singular, montes, costes y playes pa practicar deporte y exerciciu físicu, pueblos y persones auténtiques y hospitalaries.
Ye un paraísu natural, un sitiu respetuosu, acoyedor y sostenible, onde sentise llibre y conectar cola naturaleza. Asturies cunta con paisaxes de suañu nos que la naturaleza conviértese nel escenariu ideal pa la práctica del deporte y/o pa disfrutar del turismu activu al traviés d’una inmersión auténtica y singular nel mediu rural y natural, que garantiza amás una desconexón persaludable del ritmu cotidianu.
El proyecto
Asturias es un destino único en el mundo que tiene de todo: naturaleza y paisaje, patrimonio cultural diverso, gastronomía singular, montañas, costas y playas para practicar deporte y ejercicio físico, pueblos y personas auténticas y hospitalarias.
Es un paraíso natural, un lugar respetuoso, acogedor y sostenible, donde sentirse libre y conectar con la naturaleza. Asturias cuenta con paisajes de ensueño en los que la naturaleza se convierte en el escenario ideal para la práctica del deporte y/o para disfrutar del turismo activo a través de una inmersión auténtica y singular en el medio rural y natural, que garantiza además una desconexión muy saludable del ritmo cotidiano.
Asturies ye una comunidá autónoma que da la posibilidá de conectar cola naturaleza al traviés del deporte nun entornu verde, sostenible y únicu.
La nuestra misión y valores
Al traviés d’esti proyectu Asturies quier demostrar que’l deporte pue axuntar a les persones, promover la salú y el bienestar y conectar a les persones col entornu. Les modalidaes de deporte que pueden practicase nel Principáu tienen que ser accesibles, inclusives, igualitaries, solidaries y respetuoses col mediu y el públicu. Esti proyectu non solo representa un compromisu cola promoción d’un estilu de vida saludable y activu, sinón tamién cola integración del deporte nel contestu de la nuestra hestoria y la nuestra comunidá.
Deporte, exerciciu físicu y naturaleza
N’Asturies, el deporte, l’exerciciu físicu y la naturaleza van auníos, siendo elementos esenciales que constituyen la nuestra identidá.
Paisaxe espectacular
Asturies, col so paisaxe espectacular que va dende los montes imponentes hasta costes vibrantes, dende ríos y cañones imposibles hasta puertos indomables, ofrez un entornu inigualable pa la práctica deportiva nel entornu natural.
Orografía
N’Asturies, la naturaleza invita al deporte y viceversa, y ye parte de la manera de vida de los asturianos y asturianes, sabedores dafechu del privilexu que suponen les bondaes de la nuestra orografía.
L’agua
L’agua que nos singulariza déxanos practicar tou tipu de deportes acuáticos, yá seya’l surf, el piragüismu, la natación o la vela, que tien na nuestra vela llatina un valor induldable que caltenemos.
Montes sinuosos
Los nuestros montes sinuosos, de curves y desniveles imposibles, tienen un atractivu induldable pa ciclistes, atletes y amigos del monte y de los deportes d’iviernu.
Sostenibilidá
Cuntamos con una tradición llarga de práctiques autóctones que tenemos que caltener y un enfotu firme na actividá física que nos llevó a apostar pola sostenibilidá d’equipamientos diversos al serviciu de la ciudadanía.
Patrimoniu históricu
Disfrutamos d’un patrimoniu históricu y industrial que facilita potencialu como contestu inigualable pa l’actividá deportiva.
Asturies ye paisaxe
Asturies ye paisaxe y el paisaxe ye’l patrimoniu fundacional sobre’l que se llevanta la nuestra perspectiva y el nuestru porvenir, na que se sofita la nuestra memoria y se construye’l bienestar de les persones.
Ser, tar y vivir
El llenzu onde s’imprenta la nuestra manera de ser, tar y vivir, dibuxando una identidá que se define pol so deséu de ser compartida. Esti ye’l nuestru ADN, la nuestra carta de presentación y la nuestra mayor riqueza a la que fiamos, con tola seguranza, el nuestru porvenir.
Una esperiencia única
Asturies ta preparada p’abrise a Europa como Rexón Europea del Deporte nel 2025 y ufiertar tanto a los asturianos y les asturianes como a toles persones que nos visiten una esperiencia única que reflexe la nuestra pasión pola vida, el deporte y la naturaleza.
La candidatura
La candidatura ADN: Asturies, deporte y naturaleza
ADN. Asturies, Deporte y Naturaleza ye la marca escoyida pol Principáu d’Asturies pa concurrir a esti reconocimientu, Rexón Europea del Deporte 2025. Baxo esti epígrafe preténdese ufiertar una panorámica de la nuestra comunidá, cada vez más reconocida pola so amplia y cualificada ufierta en materia deportiva y turística, pero, sobre manera, pola so calidá de vida. La candidatura cola que se consiguió que’l Principáu d’Asturies se reconoza como Rexón Europea del Deporte 2025, describe’l nuestru horizonte y el nuestru deséu de compartilu. Muestra lo que tenemos col arguyu de sabenos los sos beneficiarios y curiadores, y brinda la nuestra forma de vida, construyida dende’l respetu a les persones y al entornu que nos acueye. Una tierra, en definitiva, qu’abarca y ufierta too. Eso ye Asturies.
