Instalaciones deportives d’El Cristo (Uviéu)

Asitiaes na capital del Principáu en plena zona del Campus de la Universidá d’Uviéu, les instalaciones deportives d’El Cristo inauguraes en 1952 foron les primeres instalaciones deportives públiques d’Asturies y por eso un referente pa delles instituciones pertenecientes a l’Alministración del Gobiernu del Principáu d’Asturies.

Estes instalaciones acueyen los Centros de Tecnificación Deportiva de Natación y Bádminton, patrocinaos tamién pola Dirección Xeneral d’Actividá Física y Deporte, amás de delles celebraciones deportives de calter rexonal y nacional y ente elles les competiciones y concentraciones d’estes dos disciplines deportives.

Ente les sos instalaciones atópense: 3 piscines climatizaes, 2 piscines al aire llibre, 5 pistes de tenis, 2 pistes de pádel, 1 campu de fútbol de yerba sintético, 1 pabellón polideportivu, 1 pista polideportiva cubierta, 2 sales d’artes marciales, 1 sala fitness, una zona termal y otros servicios complementarios qu’acueyen una montonera d’actividaes deportives.