Rede CEPAFYS

CEPAFYS ye l’acrónimu de la rede asturiana de Centros Escolares Promotores de l’Actividá Física y Salú, centros qu’escoyó la Conseyería de Cultura, Política Llingüística y Deporte pol so compromisu na promoción de l’actividá física saludable, reflexáu nuna partida d’acciones presentaes nun Proyectu Deportivu de Centru (PDC). La Dirección Xeneral d’Actividá Física y Deporte destina una partida presupuestaria anual pa realizar acciones nesos centros. L’últimu programa desenvueltu foi’l programa «Quiero ser olímpicu/a», onde deportistes y participantes en xuegos olímpicos compartíen valores del deporte en charles con escolinos, promoviendo vezos y valores asociaos al deporte como xuegu llimpiu, la deportividá, la igualdá o’l respetu.

El principal oxetivu de la rede CEPAFYS ye concenciar a los centros escolares y el so entornu (escolinos, families, barriu y profesoráu) de la importancia del exerciciu físicu nel entornu escolar.