Selmana Blanca d’esquí pa escolinos

La Selmana Blanca d’Esquí pa escolinos desenvuélvese cada cursu escolar na Estación Ivernal y de Monte Valgrande-Payares y na Estación Ivernal Fontes d’Iviernu, tola temporada d’iviernu (d’avientu a abril)

El so oxetivu principal ye fomentar el deporte blancu ente escolinos del Principáu d’Asturies y averar el monte y el mediu natural a tola mocedá, independientemente del so allugamientu xeográficu. La práctica deportiva nun ambiente distintu del habitual, la convivencia coles compañeres y compañeros nel monte, y el contactu intensu cola naturaleza son instrumentos educativos de gran valor pa la so formación.

Nesti programa pue participar l’alumnáu d’Educación Primaria y Secundaria, pertenecientes a los centros escolares públicos y concertaos del Principáu d’Asturies, amás de los colexos d’Educación Especial.

Por un preciu global los y les participantes pueden disfrutar d’una o delles xornaes na nieve incluyendo’l material necesario, trés hores diaries de formación, la mantención, l’agospedamientu y el forfait. Pa fomentar la participación esti últimu finánciase dende la Dirección Xeneral d’Actividá Física y Deporte pa que nun suponga un costu pal alumnáu.