Valgrande Payares (Ḷḷena)

La Estación Ivernal y de Monte Valgrande-Payares ye una estación d’esquí asitiada nel Cordal Cantábricu, nel conceyu de Ḷḷena.

Esta estación d’esquí yça vieya, qu’abrió les puertes en 1954, atópase no alto del puertu de Payares, na raya ente les provincies d’Asturies y Llión, polo que ta accesible perfectamente a los principales núcleos de población d’Asturies y Llión, yá que s’atopa a 75 km de Xixón, a 90 km d’Avilés y a 60 km d’Uviéu y Llión. Accédese a ella al traviés de la Ruta de la Plata (carretera Xixón – Sevilla).

Más tarde remocicóse ameyorando los sos servicios y ampliando la superficie esquiable, dexando la práctica del esquí alpín, esquí de fondu y snowboard. La zona d’esquí asítiase ente les lladeres de Celleros, el Cuetu Riondu y Cuitunigru. Na Zona de Cuitunigru hai dos árees bien estremaes, el Valle del Sol (comprendíu pola Hoya de Cuitunigru, el propio Valle, Los Pasos Martinelli y La Hoya) y el Tubu (comprendíu pol Tubu de Cuitunigru y Les Patines).

Na temporada 2022-2023 instalóse amás una telecabina que da accesu a les cotes altes de la estación, siendo l’únicu complexu ivernal del Cordal Cantábricu en disponer d’esta clas de remonte, que favorez l’aprovechamientu de les instalaciones a lo llargo de tol añu.

La estación cunta con 7 remontes: 1 telecabina (instalada na temporada 2022-2023), 2 telesielles (dambos cuatriplaces, incorporaos depués d’esmantelar los telesielles biplaza Les Patines, Cuitunigru y La Hoya), amás de 2 telesquís y 2 cintes tresportadores, que dan accesu a 38 pistes balizaes. Amás, dispón d’un circuitu d’esquí de fondu de 7 quilómetros.

Na Estación ivernal y de monte Valgrande-Payares celébrense a lo llargo de la temporada de nieve dellos campeonatos:

Esquí:

• Campeonatos autonómicos u14/u16 – copa cordal cantábricu (integráu poles Federaciones Cántabra, Castiella y Llión, Principáu d’Asturies)
• Campeonatos autonómicos u10/u12 – copa cordal cantábricu (integráu poles Federaciones Cántabra, Castiella y Llión, Principáu d’Asturies)
• Campeonatos autonómicos absolutos – copa cordal cantábricu (integráu poles Federaciones Cántabra, Castiella y Llión, Principáu d’Asturies)
• Prueba interclubes

Esquí Fondu

• Campeonatos autonómicos de fondu

 Snowboard

• Fecha pa designar campeonatos autonómicos snowboard

Xuegos deportivos

• Xuegos deportivos Principáu de Asturias alpín y snowboard

L’actividá ivernal de la estación complétase col programa Selmana Blanca, que se desenvuelve a lo llargo de la temporada escolar ente los meses d’avientu y abril pa fomentar el deporte d’iviernu ente la comunidá educativa asturiana.

Sicasí, na estación non solo se desenvuelven actividaes deportives n’iviernu sinón que se desestacionalizó l’usu promoviendo un programa d’actividades deportives de branu que se lleven a cabu de xunu a setiembre. El Telecabina que s’instaló nel 2022 ye un sistema de remonte continuu que dexa mover a más persones en menos tiempu, optimizando l’usu de la instalación y la capacidá pal disfrute del públicu.

Anguaño ye posible xubir cola bicicleta pa descender pel bike park, una esperiencia única p’amantes d’esti deporte.

Les actividaes de naturaleza y deportives son les protagonistes del programa Payares en Verde, yá que cunta con una ufierta amplia de rutes de senderismu y cicloturismu, disponibles na rodiada de la estación con trazaos de dificultá diferente y vistes espectaculares a lo llargo del percorríu. Les rutes guiaes al saltu d’agua del Ortigalón, la travesía ente Cuitunigru y Arbás, la travesía guiada pel Camín del Salvador o la marcha senderista Xplora Payares, son dalgunes de les propuestes pa quien amen el senderismu.

La ufierta braniega de la estación suma campamentos pa neños y neñes de 8 a 16 años, qu’incluyen rutes de bici, senderismu, vivac, astronomía y otres actividades al aire llibre. L’espíritu d’estes colonies ye fomentar la convivencia y potenciar el respetu pa cola naturaleza, disfrutando del deporte y l’aventura.

Payares acueye de parte branu delles competiciones deportives, ente les que destaquen el Campeonatu d’Asturies de Trial o los Campeonatos d’enduro y de descensu.

Amás, cunta con una acción recurrente na so programación estival, que ye un proyectu sostenible de recoyida de basura y plantación d’árboles. Trátase d’una acción educativa y deportiva que xunta na estación a cientos de families.