“RINDIMIENTU DEPORTIVU, EN FEMENÍN”, va axuntar a deportistes d’élite, investigadores, entrenadores, periodistes y axentes del ámbitu deportivu con un oxetivu claru: poner en valor el rindimientu de les muyeres deportistes y averar al públicu los avances científicos y sociales que tán tresformando’l deporte femenín.
Va celebrase’l 22 d’avientu del 2025 a partir de les 10:00 h en Paraninfu de la Llaboral, Xixón.
El Foru, con 12 referentes nel mundu de la ciencia, el deporte y la comunicación, desenvuélvese en 5 alcuentros; ponencies y meses redondes, va durar tola xornada del llunes.
L’asistencia ta abierta al públicu en xeneral y ye gratuita, y amás tola xornada va retresmitise en directo per streaming al traviés de la páxina web www.adnasturies.com, facilitando l’accesu a la ciudadanía dende cualquier puntu.
10:20 h. Mesa Redonda. “Deportistes asturianes na élite”.
Ponentes: Natasha Lee. Entrenadora del Telecable H.C. Adriana Gil. Campeona de Kárate. María Echezarreta “Cheza”. Futbolista profesional
12:15 h. Ponencia a dos voces. “Cronobioloxía aplicada al deporte”
Ponentes: Elena Díaz. Bióloga. Esperta en cronobioloxía y Sonia González. Bióloga. Esperta en nutrición
13:30 h. Mesa Redonda. “Elles, olímpiques”
Ponentes: Amaya Valdemoro. Meyor xugadora de baloncesto española de la historia. Sandra Sánchez. Campeona olímpica, del mundu y d’Europa na modalidá de kata. Teresa Perales. 28 medayes paralímpiques en natación.
16:30 h. Aula Abierta 6. “Coreografía hormonal: Ciclu menstrual y rindimientu deportivu”
Presentación de protocolu UEFA. Al cargu d’Eva Ferrer: Especialista en salú femenina nel Barça Innovation Hub
17:30 h. Mesa Redonda: “Cómo cuntamos lo qu’elles llogren”
Detalles del eventu:
Foru: RINDIMIENTU DEPORTIVU EN FEMENÍN
Fecha: 22/12/2025
Hora: 10:00 h a 19:00 h.
Sitiu: Paraninfu de la Llaboral, Xixón
